بڕیاره‌ له‌م هه‌فته‌یه‌دا، وه‌زیری‌ ده‌ره‌وه‌ی‌ ئێران، مه‌نوچه‌هر موته‌كی‌ به‌سه‌رۆكایه‌تی‌ وه‌فدێكی‌ باڵا سه‌ردانی‌ هه‌رێمی‌ كوردستان بكات.

سه‌رچاوه‌یه‌كی‌ باڵای‌ ئاگادار له‌لێدوانێكی‌ تایبه‌تدا بۆ سایتی‌ ئاوێنه‌ رایگه‌یاند "له‌م هه‌فته‌یه‌دا، وه‌زیری‌ ده‌ره‌وه‌ی‌ ئێران، مه‌نوچه‌هر موته‌كی‌ سه‌ردانی‌ شاری‌ هه‌ولێری‌ پایته‌ختی‌ هه‌رێمی‌ كوردستان ده‌كات".
سه‌رچاوه‌كه‌ ئاماژه‌ی‌ به‌وه‌دا "ئه‌و سه‌ردانه‌ بۆ پته‌وكردنی‌ په‌یوه‌ندییه‌ دوو قۆڵییه‌كانی‌ نێوان هه‌رێمی‌ كوردستان‌و كۆماری‌ ئیسلامی‌ ئێرانه‌ له‌زۆربه‌ی‌ بواره‌كاندا".
ئه‌مه‌ یه‌كه‌مین جاره‌ به‌رپرسێكی‌ باڵای‌ ئێران سه‌ردانی‌ فه‌رمی‌ بۆ هه‌رێمی‌ كوردستان ئه‌نجام ده‌دات.