خدر كه‌ریم محه‌مه‌د سه‌رۆكی شاره‌وانی هه‌ڵه‌بجه‌ رایگه‌یاند" له‌لایه‌ن سه‌رۆكی رێكخراوی شاره‌وانیه‌كانی جیهان له‌ پێناو ئاشتیدا ئاگادار كراوه‌ته‌وه‌ كه‌ له‌لایه‌ن ده‌سته‌ی راوێژكاری رێكخراوه‌كه‌وه‌ به‌ جێگری سه‌رۆكی رێكخراوه‌كه‌ ده‌سنیشان كراوه‌.

به پی راپورتی "کوردستان .تی.وی"، خدر كه‌ریم محه‌مه‌د له‌ لێدوانێكیدا به‌ (نیوزماتیك) ی راگه‌یاندووه‌ له‌لایه‌ن سه‌رۆكی رێكخراوه‌كه‌وه‌ نامه‌یه‌كی به‌ده‌ست گه‌یشتووه‌و پاشان به‌ ته‌له‌فۆن په‌یوه‌ندی پێوه‌ كردووه‌ و پێی راگه‌یاندووه‌ كه‌ بۆ ماوه‌ی سێ ساڵی داهاتوو ئه‌و ده‌بێته‌ جێگری سه‌رۆكی رێكخراوی شاره‌وانیه‌كانی جیهان له‌ پێناو ئاشتیدا.
هه‌روه‌ها ده‌ڵێ: ئه‌م پله‌یه‌ ده‌بێته‌ هۆی زیاتر به‌رپرسیارێتیمان به‌رامبه‌ر به‌ قوربانیانی بۆردومانی چه‌كی كیمیاوی له‌ هه‌ڵه‌بجه‌و به‌تایبه‌تی ئه‌و بریندارانه‌ی كه‌ هێشتا پێویستیان به‌ چاره‌سه‌ری به‌رده‌وام هه‌یه‌.
ئه‌مه‌و رێكخراوی شاره‌وانیه‌كانی جیهان له‌ پێناو ئاشتیدا له‌ساڵی 1910دامه‌زراوه‌و باره‌گای سه‌ره‌كی له‌ شاری جنێفه‌ له‌ سویسرا و كار بۆ نه‌هێشتنی چه‌كی كۆمه‌ڵ كورژ ده‌كات و له‌ساڵی 2006وه‌ شاری هه‌ڵبجه‌ بووه‌ته‌ ئه‌ندام له‌و رێكخراوه‌دا.